అణు విద్యుత్ ఎందుకు?

ప్రస్తుతం విద్యుదుత్పత్తి కోసం ఎక్కువగా ఉపయోగిస్తున్న బొగ్గు, సహజవాయువు వంటి శిలాజ ఇంధనాల వల్ల రెండు రకాల సమస్యలున్నాయి. కరెంటును ఉత్పత్తి చేసే క్రమంలో ఈ ఇంధనాలను మండించినప్పుడు వాతావరణంలోకి కార్బన్‌డయాక్సైడ్‌ వంటి విషవాయువులు పెద్ద ఎత్తున విడుదలై భూమి ఉష్ణోగ్రతలను పెంచుతున్నాయి. ఫలితంగా గ్లోబల్‌వార్మింగ్‌ సమస్య తలెత్తి వాతావరణంలో ప్రమాదకరమైన మార్పులు చోటుచేసుకుంటున్నాయి. ఇక రెండో సమస్య, ఈ శిలాజ ఇంధనాలు భూమిలో పరిమితంగానే ఉన్నాయి. ప్రస్తుత వేగంతో ఉపయోగిస్తూ వెళ్తే అవి పూర్తిగా అడుగంటిపోవటానికి కొన్ని దశాబ్దాలు చాలు. ఈ నేపథ్యంలో కాలుష్యరహిత, అపరిమితమైన అణుశక్తి ఒక ప్రత్యామ్నాయంగా ముందుకొచ్చింది.